Væri ekki nær að bæta grunnskólastarfið?

Það mætti halda að Þorgerði Kartrínu menntamálaráðherra hafi liðið illa í skóla.  Hún vildi stytta nám til stúdentsprófs og nú vill hún stytta grunnskólann. 

Menntamálaráðherra rann á rassin með alsherjar styttingu stúdentsprófsins, enda var það allt óþarfa brölt þar sem fjölbrautaskólarnir buðu þá þegar duglegum nemendum upp á að ljúka námi fyrr en venjan var.  Að sögn ráðherra er stytting grunnskólans gerð til að koma til móts við "bráðgera" nemendur eða nemendur sem "skara framúr". 

Það er vitað að mörgum börnum líður illa í grunnskólanum, -sérstaklega strákum.  Væri ekki nær að bæta grunnskólann og koma til móts við mismunandi þarfir nemenda?  Liggur á að ræna börnin tíma hinnar ábirgðalausu æsku? Grunnskólinn á ekki að snúast um að búa nemendur undir nám í framhaldsskóla, heldur alhliða félagslegan- andlegan- og líkamlegan þroska. 

Vonandi sér menntamálaráðherra að sér.

 Er ekki miklu verðugara verkefni að koma því í kring að öllum börnum líði vel í grunnskólanum?

 

Athugasemdir

[Ingrid Örk (IP-tala skráð) 14.3.2007 kl. 22:29]

Til hamingju með bloggið.

[Rannveig Þorvaldsdóttir, 16.3.2007 kl. 23:07]

Svarið við spurningunni er: Jú!!! Það er miklu verðugra verkefni. En það er bara svo ferlega erfitt að mæla slíkt og þess vegna hefur það ekki verið sett sem meginmarkmið. Allt gengur nú út á mælanlegan árangur hvað sem tautar! Því miður...

[Heiðbjört (IP-tala skráð) 18.3.2007 kl. 10:59]

Ég efast um að það sé svo erfitt að mæla vellíðan barna í grunnskólum. Það eru sjálfsagt til mörg mælitæki sem notuð hafa verið í hinum ýmsu rannsóknum sem mæla huglægar breytingar. Þetta er því verðugt og framkvæmanlegt verkefni!