Getuleysi sjórnvalda er svæsnasti óvinur launafólks.

Íslenska krónan er sjálf ekki óvinur launafólks, heldur getuleysi stjórnvalda til að stýra efnahagmálum þjóðarinnar. Af hverju er fólk að flytja til útlanda? Jú, það er vegna þess að það nær ekki endum saman. Stærsti þátturinn í útgjöldum launafólks eru afborganir húsnæðislána. Bankarnir, lífeyrissjóðirnir og Íbúðalánasjóður sem lána til húsnæðiskaupa fara nú ránshendi um húseignir fólks. Aðferðin er í því fólgin að hækka verðmæti höfuðstóls húsnæðislána eftir einhverri formúlu sem þeir og stjórnvöld virðast hafa komið sér saman um, til að sanka að sér fé. Verðmæti húsnæðisláns sem tekið var fyrir 5 árum hefur hækkað samkvæmt þessari formúlu um 60%, á sama tíma og launakjör hafa hækkað um 30%. Reglulegar afborganir hafa hækkað að sama skapi. Þessar hækkanir ásamt hækkun á almennu vöruverði knýja fólk til að flýja land.

Krónan óvinur launafólks

Athugasemdir

[Helgi Rúnar Jónsson (IP-tala skráð) 12.12.2011 kl. 13:17]

Kjartan, það er verðtryggingin sem er að hækka höfuðstól lána hjá fólki en ekki einhver samantekin ráð stjórnvalda og lífeyrissjóða. Og af hverju er svo þessi verðtrygging...??, jú vegna þess að við erum með ónýtan gjaldmiðil sem heitir króna, og til að tryggja að almenningur og fyrirtæki vilji spara og leggja til hliðar, þá þarf að verðtryggja innistæðurnar svo að þær rýrni ekki vegna lélegs gengis gjaldmiðilsins.

[Óskar Helgi Helgason (IP-tala skráð) 12.12.2011 kl. 13:47]

Sæll Kjartan; og aðrir gestir, þínir !

Helga Rúnari; til nokkurrar upplýsingar, má geta þess, að Krónan lifir EKKI SJÁLFSTÆÐU LÍFI - og hefir aldrei gert; fremur en fyrirennarar hennar, Spesíur og Ríkisdalir, fyrr á tíð.

Upplap; Helga Rúnars, eftir náanast; trúarlegri forpokun Sigurðar Bessa sonar og Gylfa Arnbjörnssonar, og annarra áþekkra, er í fullu samræmi við þá lotningu, sem H.R. Jónsson, auk ýmissa annarra bera, fyrir gjörónýtum stjórnmála mönnum, þessa Guðanna volaða lands.

Þannig að; Helga Rúnari er alveg frjálst, að leiðrétta fáránlegar ambögur sínar, hér; að ofan.

Með beztu kveðjum; úr Árnesþingi /

 

[Helgi Rúnar Jónsson (IP-tala skráð) 12.12.2011 kl. 13:55]

Þetta er náttúrulega ekki svaravert þetta sem þú ert að segja Óskar, þú steypir út í eitt

[Óskar Helgi Helgason (IP-tala skráð) 12.12.2011 kl. 13:59]

Sælir; á ný !

Þá; lifir þú í einhverjum öðrum raunheimi, en flest okkar hinna, nafni minn.

Með; ekkert síðri kveðjum - en hinum fyrri / 

[Kjartan Eggertsson, 12.12.2011 kl. 15:13]

Helgi Rúnar: Það er rétt hjá þér að það er verðtryggingin sem hækkar lánin. En hvað er verðtryggingin? Hún er ekki náttúruafl eins og veðrið. Stjórnvöld stjórna og reikna út og ákveða hver hún er. Stjórnvöld ákveða hvaða þættir það eru í efnahagskerfinu sem hafa áhrif á þennan útreikning. Íbúðalánaskuldendur hafa engin áhrif á forsendur útreiknings á verðtryggingu. Þeir hafa hins vegar áhrif á launakjör sín þar sem þeir semja um þau í kjarasamningum. Forsenda allra íbúðalána undanfarin ár er svokallað greiðslumat sem allir fara í gegnum og þar eru launakjör lögð til grundvallar. Greiðslumatið er hins vegar bara blekkingarleikur þar sem ekki er farið eftir því, -og þess vegna eru öll íbúðalán ólögleg, því það er bannað að blekkja. Því miður þá munu stjórnvöld ekki ranka við sér um ólögmæti greiðslumatsins fyrr sá gjörningur hefur verið lagður fyrir dómstóla.

[Njáll (IP-tala skráð) 12.12.2011 kl. 15:52]

Maður hnýtur ansi oft um rökleysurnar í leiðara Sigurðar Bessasonar.

Hann vill kenna krónunni um atvinnuleysið, hnignun lífskjara og fólksflóttann.

Atvinnuleysi Íra með evruna má sjá hér:
http://tinyurl.com/6lwwbcu  (nú um 13,7%)
og Íslendinga með krónuna hér:
http://tinyurl.com/c4x3pqa (nú um 5,9%)

Sé ekki betur en að krónan hafi gefist okkur vel í baráttu gegn atvinnuleysi 

Ríkisstjórninni virðist engu skipta lífskjör fólk enda hækkar hún skatta á alla línuna, laun, atvinnurekendur, vörur hækkar gjöld og finnur upp nýjar leiðir til að hafa peninga af fólki og fyrirtækjum.  Hækkanir á vörur og atvinnurekendur velta vitaskuld beint út í verðlag og lækka kaupmáttinn hækka verðbólguna og verðtryggð lán.

Fólksflóttann má skoða frá mörgum hliðum, er fólk virkilega að flýja krónuna?  A.m.k. er það ekki evran sem það sækir í.  Hér má sjá hvert flestir flýja og hvaða gjaldmiðill er þar.

Brottfluttir 2010
Land - brottfluttir - Mynt
Noregur      1.539  - NKR
Pólland      1.469  - PLN
Danmörk      1.145  - DKR
Svíþjóð        727  - SEK
Bandaríkin     393  - USD
Portúgal       147  - EUR
Slóvakía       106  - EUR
Þýskaland      303  - EUR
Litháen        189  - LTL
Önnur lönd   1.741 - x

Eru þessir verkalýðsforkólfar allir flokksbundnir í samfylkingunni?