Ríkisstjórnin veldur ekki hlutverki sínu.

Satt að segja verður maður allta meira og meira hissa eftir því sem dagarnir líða og ríkisstjórnin tjáir sig um hlutina.  Nú segist Björgvin Sigurðsson viðskiptaráðherra ekki hafa vitað neitt um stöðu fjármálakerfisins fyrr en í lok ágúst og að fjármálaeftirlitinu sé um að kenna að hafa ekki látið sig vita.  Viðskiptaráðherra sem situr bara og veit ekki neitt er ekki til neins.  "Talið bara við þá", segir hann svo.

Forsætisráðherra talaði af sér í sjónvarpinu í kvöld, 8. nóv. þegar hann sagði það sína skoðun að bönkunum hefði ekki verið bjargandi hvort sem var og niðurstaðan alltaf orðið sú sama hverjar sem aðgerðirnar hefðu verið.  Hann var þá spurður um fjárveitinguna til Kaupþings sem átti að vera til að bjarga bankanum og eins var hann spurður hvort aðför bresku ríkisstjórnarinnar hefði þá verið eðlileg og nauðsynleg, -en vafðist tunga um tönn.  Forsætisráðherra getur ekki leyst úr málum.

Þessi ríkisstjórn hefur ekki valdið hlutverki sínu, hvorki fyrir bankahrunið eða eftir það og á að fara frá.  Það er vilji fólksins.

Ekkert land hrunið hraðar

Athugasemdir

[Heiðbjört (IP-tala skráð) 11.11.2008 kl. 22:50]

Er sammála því að ríkisstjórnin er ekki að höndla þessar aðstæður. En hver á að koma í staðin? Ég sé það ekki fyrir mér,- jafnvel þó ég vildi að einhver kæmi í staðin.

[Heiðbjört (IP-tala skráð) 12.11.2008 kl. 08:54]

Ég er búin að finna fólk sem veldur vandanum. Látum Jón Ásgeir og félaga leiða okkur í gegnum þessa kreppu. Þeir þekkja harðan heim viðskiptanna og peninganna best af öllum. Við eigum það inni hjá þeim að þeir hjálpi okkur núna!