Hefur á réttu að standa.

Björgólfur hefur á réttu að standa.  Útrásarmennirnir verða varla sóttir til saka fyrir brot á lögum.  Þeir hins vegar munu missa hlutina sína í bönkunum sem ríkisstjórn Íslands yfirtók samkvæmt svokölluðum neyðarlögum.

Nú fáum við gamla tímann aftur, -ríkisbankatímann.  Þá verður aftur  byrjað á því að hygla flokksfélögum og útiloka stjórnarandstæðinga frá lánafyrirgreiðslu.  Mannlegt eðli hefur nefnilega ekkert breyst.  Nú er samkeppnisþátturinn horfinn úr bankastarfseminni og því fáum við aftur "blíantsnagarana" sem bíða eftir símhringingum frá pólitíkusum um það hverjum megi lána og hverjum ekki.  Engin samkeppni verður um vexti, enda verða þeir fastsettir með tilskipunum frá hinu opinbera.  Engin samkeppni verður um að veita góða þjónustu, því hún er hún er horfin úr bönkunum gróðavon hluthafanna.  Í raun hefur heil atvinnugrein verið lögð niður og í staðinn er kominn önnur sem hefur önnur markmið og annað eðli og þjónar að stærstum hluta öðrum tilgangi en sú fyrri.

Krónan stærsta vandamálið

Athugasemdir

[Heiðbjört (IP-tala skráð) 28.10.2008 kl. 12:19]

Og hvað græddi almenningur á "samkeppni" bankanna? Einstaklingar eins og ég sem erum græn í gegn sögðum bara já og amen við hverju sem manni er falið að borga í gjöld og vexti en fáum ekki að njóta neins af veisluborðinu sem útrásarmennirnir höfðu aðgang að. Eins féll maður fyrir lofinu sem borið var á erlent lán og situr nú í skuldasúpu sem maður verður að borða á hverju kvöldi héðan af. Auðvitað er hægt að segja "hver er sinnar gæfu smiður,- hver heilvita maður tekur erlent lán". En ef maður er ekki útlærður hagfræðingur eða viðskiptafræðingur þá treystir maður orðum bankastarfsmanna,- ekki satt?!

Nú situr þjóðin saman uppi með ullabjakkið, ruslið og óhreina leirtauið eftir veisluhöldin, en ekki fékk ég meira en kannski einn súkkulaðimola í þessari veislu!