Að fara frjálslega með annara orð.

Magnús Stefánsson félagsmálaráðherra, Illugi Jökulsson rithöfundur og Sveinn Andri Sveinsson hæstaréttarlögmaður skrifa greinar sem eru birtar í Morgunblaðinu og Blaðinu í dag.  Greinarnar eiga það allar sammerkt að þær fjalla um afstöðu Frjálslynda flokksins gegn óheftu flæði innflytjenda til landsins.

 

Sveinn Andri er í greininni heiftúðugur í garð Frjálslynda flokksins og segir hann flokkinn "úthúða þeim erlendu ríkisborgurum sem íslenskt atvinnulíf hefur kallað til landsins sem berklasmitandi glæpahunum sem éti lifibrauð íslenskrar alþýðu" :)  :(  Maður veit eiginlega ekki hvort maður á að brosa eða gráta þegar maður les svona útúrsnúninga eftir hæstaréttarlögmann sem maður hefur hingað til talið að vilji láta taka sig alvarlega.

 

Magnús Stefánsson er kurteis að vanda.  Hann segir Frjálslynda flokkinn "vera á atkvæðaveiðum í gruggugu vatni og að íslenskri þjóð standi ekki ógn af innflytjendum".  Hér kveður Magnús bara hálfa vísu, því Frjálslyndi flokkurinn hefur sagt að ógnin stafi af óheftum innflutningi.  Frjálslyndi flokkurinn telur þar að auki enga ógn stafa af innflytjendum sem manneskjum eða persónum eða þjóðerni þeirra. En það er rétt hjá Magnúsi að við erum á atkvæðaveiðum.  Einhvernveginn finnst mér að hið grugguga vatn sem Magnús talar um, sé fyrst og fremst óskýr framtíðarsýn ríkisstjórnarinnar á þessi mál.  Í greininni segir Magnús það með óbeinum hætti að íslendingar geti ekki heft frjálsa för launafólks til Íslands, nema um sé að ræða "aðgerð. . sem byggist á neyðarrétti".  Það þýðir þá væntanlega að Magnús vill ekkert gera fyrr en í óefni er komið og að skapast hafi neyðarástand.

 

Sögumaðurinn og rithöfundurinn Illugi Jökullson á ekki í erfiðleikum með að búa til dramatíska sögu um atburðarásina í Frjálslynda flokknum undanfarin misseri.  Hér er þó um að ræða tvær sögur, því Illugi verður hálfpartinn tvísaga þegar hann hefur lýst því að flokkurinn hafi skapað tortryggni í garð útlendinga, en viðurkennir rétt á eftir að "vissulega geti vandamál fylgt miklum flutningum útlendinga inn á ný svæði".  Hann vill kæfa útlendingastefnu flokksins í fæðngu í fyrri sögunni, en í hinni seinni segir hann að "við eigum að vera viðbúin þeim vandamálum (sem fylgt geta miklum flutningum útlendinga) og tilbúin að takast á við þau".  Í fyrri sögunni segir hann að Frjálslyndi flokkurinn sé mannfjandsamlegur, en í hinni seinni lýsir hann sinni skoðun þar sem segir: "við eigum að hvetja útlendinga til að læra á samfélag okkar, aðlagst okkur að því marki sem þeir sjálfir kjósa og sýna okkur þá virðingu sem við viljum sýna þeim".  Í tilefni af tilvitnunni í þessi orð Illuga, þá skal geta þess að Frjálslyndi flokkurinn hefur engar áhyggjuar af því að útlendingar geti ekki lært á samfélag okkar og að þeir sem íslendingar geti sýnt hverjum öðrum virðingu. Við viljum bara benda á að til þess að allt gangi snurðulaust fyrir sig þurfum við að viðurkenna staðreyndir, læra af reynslu annarra þjóða, ræða málin á opinskáan hátt og hafa stjórn á aðstæðum svo ekki komi upp það sem Illugi kallar "vandamál sem geta fylgt miklum flutningum útlendinga inn á ný svæði".

 

Greinahöfundar lýsa því að við séum "siðblindir", að við "kyndum undir fordóma" og að það sé vilji okkar að skapa "tortryggni í garð útlendinga".

 

Mér dettur í hug erindi úr Passíusálmunum Hallgíms Péturssonar.

 

Vi þeim dómara er veit og sér

víst hvað um málið réttast er

vinnur það þó, fyrir vinskap manns

að víkja af götu sannleikans.

 

Ó, vesæll maður að því gá,

eftir mun koma tíminn sá,

sama hvað niður sáðir hér

sjálfur, án efa upp þú sker.

 

Ef hér á jörð, er hæðni og háð,

hróp og guðlast niður sáð

uppskorð verður eilíf spé,

agg og forsmán í helvíté.

 

      

 

Athugasemdir

[Bergur Pálsson (IP-tala skráð) 5.4.2007 kl. 20:49]

Eitthvað annað en þú Viðar

[Guðrún María Óskarsdóttir., 6.4.2007 kl. 01:10]

Góður pistill Kjartan.

Illugi virðist sitja fastur í sorpblaðamannastílnum í sinni greinaritun nú sem fyrr.

kv.gmaria.

[Magnús Þór Hafsteinsson, 6.4.2007 kl. 12:55]

Brilliant!

[Ingrid Örk (IP-tala skráð) 11.4.2007 kl. 18:28]

Hvers vegna er enginn sem bendir á, að vankunnátta í tungumálum er það sem skapar fordóma. Við búum að Íslandi og lærum íslensku. Pólverji lærir að tala pólsku. Ef Íslendingurinn flytur til Póllands, er nokkuð bókað að hann geti reddað sér því hann lærði ensku í grunnskóla. Með tímanum er nokkuð víst að hann geti samt ekki búið í Póllandi án þess að læra pólsku. Ef Tyrki flytur til Íslands er bókað að hann geti reddað sér ef hann hefur lært ensku. Það er samt ekki bókað að hann kunni ensku. Það er líka alveg víst að til lengdar verður hann þreyttur á að skilja engan og enginn skilur hann og upp kemur misskilningur og allt sem tjáskiptaerfiðleikar geta skapað þar sem Tyrkinn getur ekki sagt Íslendingum fá sinni menningu og Íslendingar get ekki útskýrt sína menningu fyrir Tyrkjanum. Sama á við Íslendinginn í Póllandi. 

Frú Vigdís Finnbogadóttir hélt fyrirlestur fyrir útskriftarnema MH haust 2003. Þar var ég á meðal. Hún lagði ríka áherslu á það við okkur sem vorum að halda út í lífið að tungumál og tungumálakunnátta væri lykillinn að fordómaleysi, skilningi menningarheima, samskiptum landa og framtíð okkar yfir höfuð. Allir sem í salnum voru fylltust mikilli lotningu þegar Frú Vigdís gekk inn. Allir hlustuðu með athygli og ég held að þetta sem hún sagði feli mikinn sannleik í sér.