Fjármálafyrirtæki endurreikni íbúðalán.

Það væri einnig vel við hæfi að fjármálafyrirtæki sem hafa lánað til íbúðarhúsnæðis færu að endurreikna lánin með tilliti til forsenda í greiðslumati hvers láns. Ef þau ætla ekki að gera það, hafa þau verið að blekkja alla þá, sem tekið hafa íbúðalán undanfarna áratugi. Það er ólöglegt að blekkja, -á því er enginn vafi, en því miður þá virðist hluti þjóðarinnar halda annað.

Eiga að virða niðurstöður dómstóla

Nú vitum við hvað má og hvað ekki má.

Nú vitum við hvað má og hvað ekki má. Var þetta ekki einmitt svona í Sovét. Ég hélt að þetta félag, Reykjavíkurborg væri bara rekstaraðili grunnskólanna og hefði ekki löggjafarvald. Geta borgarfulltrúar og embættismenn borgarinnar ákveðið hvaða helgileiki börnin megi flytja á jólunum? Og nú geta börnin bara ákveðið að taka ekki þátt í hinu og þessu, hvar sem þau eru á vegum grunnskólanna, - a.m.k. þegar farið er í kirkjuheimsókn. Ætli þessar kirkjuheimsóknarreglur flokkist ekki undir mannréttindalög. En agavandamálin í grunnskólunum, ætli þau fari batnandi eftir því sem slíkum reglum fjölgar? Eitt er víst; allur þessi málatilbúnaður mannréttinaráðs, menntaráðs og borgarráðs var óþarfur. Það voru engin vandamál og samkipti grunnskóla og þjóðkirkju hefði frekar átt að auka og styrkja. Ekki veitir af að kenna þessari þjóð góða siði.

Með sama sniði og fyrr

Ríkisútvarpið - heil 5 atkvæði.

Skammstafanir eru eins og orðið ber með sér, til að stafa og stytta texta. Ríkisútvarpið er heil 5 atkvæði. Mörður Árnason er líka 5 atkvæði. Spurning hvort hægt væri að skammstafa Mörð. Ef við ætlum að leggja það í vana okkar að skammstafa nöfn á fyrirtækjum sem bera 5 atkvæði eða meira og nota skammstafanirnar í talmálinu, þá fer að vera vandlifað.

Ríkisútvarpið heitir Ríkisútvarpið

Vonarglæta.

Ég skynja smá vonarglætu í viðbrögðum Jóhönnu Sigurðardóttur við nýjasta kvótafrumvarpinu. Ef marka má yfirlýsta stefnu þessarar ríkisstjórnar þá var ekki markmiðið að festa réttindi útvegsfyrirtækja á fiskveiðiheimildunum í sessi heldur að losa um þau, til að skapa mætti nýtt umhverfi í sjávaútveginum þar sem framboð og eftirspurn réðu ríkjum, -janfnt við sjósókn sem vinnslu og sjávarbyggðirnar fengju aftur að hluta þau sérréttindi að mega sækja á nálæg fiskimið.

Hefnd og pólitísk gíslataka

Er Sigmundur Ernir hættur að styðja ríkisstjórnina?

Er Sigmundur Ernir hættur að styðja ríkisstjórnina? Nei, hann er ekki hættur því. Hann er bara í fýlu og vill fá nammi í staðinn fyrir að hætta í fýlunni.

Óviss um stuðninginn

Kolefnisskattur?

Það er eitt merkilegt við þessa umræðu um kolefnisskatt; Þessi skattur hefur engin áhrif á mengunina frá fyrirtækjunum. Það er einnig hægt að stjórna því hversu mikinn útgang fyrirtækin spúa út í andrúmslofti, án þess að leggja á þau aukna skatta. Hér er því siglt undir fölsku flaggi eins og ræningjarnir á alþingi eru þekktir fyrir.

Ekki starfi sínu vaxinn

Eru "hugsjónir" Sjálfstæðisflokksins kannski aðeins fyrir útvalda?

Horfir þjóðin til Sjálfstæðisflokksins? Það held ég ekki. Ef Sjálfstæðisflokkurinn vill að þjðin horfi til hans þá þarf hann að taka nýjan og annan kúrs í flestum málefnum. Ef ég mætti ráðleggja Sjálfstæðisflokknum þá væri það góð byrjun að miða málefni dagsins við þau sjónarmið sem einu sinni voru uppi í Sjálfstæðisflokknum og kennd voru við heiðarlega samkeppni og atvinnufrelsi. Þessi hugtök hafa undanfarna áratugi aðeins gilt fyrir útvalda, - og það nefnilega í boði Sjálfstæðisflokksins.

Þjóðin horfir til Sjálfstæðisflokksins

Aðhaldshlutverkið

"... alþingimenn ... gegna ákveðnu aðhaldshlutverki", segir Jóhann Sigurðardóttir. Að sjálfsögðu sinna alþingismenn aðhaldshlutverki. Það er ekki sama hver er ráðinn í störf hjá opinberum stofnunum, alþingismenn þurfa að passa upp á að þar séu bara ráðnir þeir sem að þeirra mati hafa "hreinan" skjöld. Páll Magnússon hefur nú goldið fyrir að hafa verið aðstoðarmaður framsóknar ráðherra. Væri hann tilbúinn að taka við skipunum frá "óbreyttum" alþingismönnum í starfi sem forstjóri Bankasýslunnar? Kannski er það áhyggjuefnið.

Alþingismenn sinna aðhaldi

Nýir valdhafar í Lýbíu hika ekki við að ljúga.

Á sama tíma og sjónvarsstöðin Al Jazeera sýndi morðið á Gaddaffí bárust fréttir frá nýjum stjórnvöldum í Lýbíu um að Gaddaffí hefði fallið í skotbardaga. Er þetta ekki bara spurning um það hvenær hægt verði að gera byltingu næst? Kannski eftir 20 ár? Gaddaffí mátti eiga það að hann var óhræddur við hina morðingjana á meðal leiðtoga heimsins og lét þá fá það óþvegið.

Blettur á nýjum valdhöfum

Séra Hildur Eir axli ábyrgð.

Það að axla ábyrgð er að taka afleiðingum gerða sinna, -bæði því sem maður segir eða segir ekki og því sem maður gerir eða gerir ekki. Hvað segir Hildur Eir?: "Þetta var góður fundur og samhljóma rödd um að nú þurfi að bregðast við réttlátri reiði þjóðarinnar sem m.a. endurspeglast í tíðum úrsögnum úr kirkjunni," Hverjir sögðu sig úr kirkjunni og af hverju? Veit Hildur Eir það? Nei, hún veit það ekki, því það eru engar skráðar upplýsingar til um forsendur úrsagnanna. Hún talar um réttláta reiði án þess að útskýra í hverju þessi réttláta reiði sé fólgin. Hún talar um að þjóðin sé sár út í ráðaleysi yfirstjórnar kirkjunna. Það er bara bull, -þjóðin er ekkert sár út í yfirstjórn kirkjunna og Hildur Eir hefur engar sannanir fyrir því. Og þó svo 3.500 til 6000 manns hafi sagt sig úr kirkjunni, þá er það bara allt í lagi. Farið hefur fé betra. Þeir sem hafa sagt sig úr kirkjunni vegna ásakana um kynferðislega áreitni fyrrverandi biskups eru örugglega ekki kristið fólk. Kristið fólk heldur sig við kristinn boðskap, sem getur tekið á öllum mannlegum brestum, -er skilningríkur, kann að fyrirgefa og kryfjar málin með sannleikan að leiðarljósi.

Það er hvorki trúverðugt eða ábyrgðarfullt að ræða mál og gera ályktanir á ímynduðum forsendum eins og Hildur Eir gerir.

„Kirkjan þarf að axla ábyrgð"