Ríkisstjórn sem engu stjórnar

Dettur þessar ríkisstjórn ekkert annað betra í hug en að nota sparnað almenningsfélaga, -eigur almennings, lífeyrissjóðina- til að redda sér út úr óráðsíunni og stjórnleysinu?  Þessum stjórnvöldum er ekki treystandi til að ganga svo frá málum að eigur lífeyrissjóðanna sem færða yrðu hingað til lands myndu ekki brenna upp í stjórnleysinu á skömmum tíma. 

Ríkisstjórn sú sem nú situr ræður ekki við stjórn efnahagsmála.  Hún á að verja okkur fyrir efnahagslegum áföllum, en hefur ekki tekist það.  T.d. kostar danska krónan nú 21 kr. íslenskar, en var á 12 kr. fyrir einu ári.  Þeir sem taka að sér það verkefni að stjórna landinu og ráða ekki við það eiga að fara frá.

Aðeins í örugga höfn

Athugasemdir

[Sigurður Þórðarson, 4.10.2008 kl. 09:15]

Góðan daginn.

Í fjárlagafrumvarpinu má sjá hvað ríkisstjórnin vill nota peningana í:  Ofvöxt utanríkisráðuneytisins, stóraukið fjármagn til sendiráða (þriðjungur), 1300 millj í þróunaraðstoð, 800 millj í styrk til eyja osf sem miðast allt við að komast í öryggisráðið. Það tekst ríkisstjórninni vonandi ekki því þá fyrst fer kostnaðurinn úr böndum.