Verðtryggingin er fjötur um fót almennings

Ýmsir vel lærðir talnaspekingar reyna nú að gera lítið úr þeim markmiðum Frjálslynda flokksins að afnema verðtryggingu á bankalánum og hafa áhrif á vaxtaokrið. 

Helsta ráð þeirra er að snúa út úr orðum okkar, með því til dæmis að segja að það sé ætlan okkar að setja þak á hversu háir vextir megi vera og svo gera þeir lítið úr markmiðum okkar með því að fullyrða að tal okkar um afnám verðtryggingar sé ætlað að slá ryki í augu kjósenda í aðdraganda kosninga eða að við höfum ekki hugmynd um út á hvað vextir og hagstjórn ganga.  Mikið væri nú gott að vera laus við þá ómálefnalega umræðu.

Staðreyndin er sú að lán sem tekin voru fyrir daga verðtryggingar brunnu upp í óðaverðbólgu.  En það var ekki bara verðbólgan ein sem olli, heldur fyrst og fremst sú staðreynd að vextir voru ekki frjálsir.  Ríkið hélt vöxtunum niðri á meðan verðbólgan geysaði.  Þegar verðtryggingin var tekinn upp voru vextir hins vegar gefnir frjálsir þannig að fjármálakerfið umpólaðist, -þeir sem áður höfðu stöðugt tapað höðustólnum í óðaverðbógunni þ.e. eigendur sparifjár og ýmsir sjóðir ríkisins fóru nú að græða, en þeir sem áður græddu á óðaverðbólgunni vegna þess að höfuðstóll lána nánast hvarf á örfáum árum fóru að greiða höfuðstól lána margafaldan til baka.  Þessi skipan er enn á þrátt fyrir að Alþingi hafi selt ríkisbankana og bankar séu nú nær allir í eigu frjálsra félagasamtaka, aðeins íbúðalánasjóður er eftir í eigu ríkisins, en um hann eiga að gilda alveg sömu reglur og um aðra lánastarfsemi.

Það er með öllu óeðlilegt að frjáls bankastarfsemi hafi heimildir frá hinu opinbera til að setja íþyngjandi ákvæði um hækkun höfuðstóls láns vegna ófyrirséðra verðbreytinga á einhverju sem lántakandi hefur ekkert með að gera.

Verkefnið er að afnema opinbera stýringar í fjármálheiminum eins og verðtryggingu og hámarks og lágmarksvexti.  Reglur á fjármálamarkaði þurfa að vera einfaldar, gegnsæar og öll viðskipti fyrirséð.  Verðtryggingin á útlánum íslenskra banka til íslendinga er algjörlega á skjön við slíkar reglur.

Það er einnig verkefni að breyta Seðlabankanum þannig að hann haldi fyrst og fremst utan um gjaldeyrisforða þjóðarinnar, en hafi heimildir til viðskipta á markaði með fjármuni, bæði í heildsölu og smásölu ef séð verður að fjármálaheimurinn, þ.e. bankar og lánastofnanir bergðist hlutverki sínu.

Vaxtaorkrið íslenskra banka, eins og það biritst t.d. í svokölluðum yfirdráttarlánum byggist fyrst og fremst á einokun og samráði íslenskra lánastofnana og lélegu aðgengi íslendinga að erlendum lánastofnunum sem bjóða lán með miklu lægri vöxtum.  Til að laga þetta ástand þarf íslenska ríkið að veita íslendingum aðgengi að erlendu lánastofnunum með lagabreytingum auk þess sem koma þarf böndum á samráð bankana, sem óhikað má fullyrða að sé brot á reglum um heiðarlega samkeppni.

Athugasemdir

[Brynja Hlíf Þorsteinsdóttir, 9.4.2007 kl. 23:59]

Sæll Kjartan. Flottur pistill hjartanlega sammála. Ég er hissa á því hvað fólk tjáir sig lítið um þessi mál eins og þetta er stórt mál og mikið í húfi fyrir fjölda manns.

[Heiðbjört (IP-tala skráð) 12.4.2007 kl. 08:35]

Þetta er sérstaklega mikilvægt málefni fyrir ungt fólk sem er t.d. að kaupa sína fyrstu íbúð. Maður gæti grátið þegar maður sér hvernig íbúðalánum erlendis er háttað miðað við hér!

[Anna Margrét Magnúsdóttir (IP-tala skráð) 12.4.2007 kl. 13:51]

 Tek undir þetta!!

Er nú þegar að kanna lánamöguleika á húsnæðislánum í öðrum löndum.

Mætti líka tala um hvernig bankarnir græða á námsmönnum í gegnum Lín-kerfið. Væri ekki nær að borga út lánin strax í stað þess að eiga milliviðskipti við bankana. Það myndi spara námsmanninum þónokkrar krónurnar.

Gaman að sjá að X-F er farið að tala um eitthvað annað en innflytjendamál. Allir menn vita nefnilega að þið vilduð láta rödd ykkar heyrast (og koma umræðunni af stað) - en úr því sem komið er held ég að þið komið alltaf út sem "vondi kallinn" í þessari umræðu - sama hversu málefnalega og skynsamlega hún er sett fram - skiptir ekki máli - eigið ekki eftir að fá nægan tíma til þess að leiðrétta það sem hefur misfarist og líka til að kynna önnur áherslumál flokksins.

 (sérstaklega þegar menn eins og Viðar H.G. tala í nafni flokksins á bloggsíðu sinni og slengir fram órökstuddum og villandi upplýsingum um innflytjendur og innflytjendamál. sbr. bloggfærslu hans frá 29.3 síðastliðnum.)

Kominn tími til að setja fleiri mál á oddinn  - og leyfa þeim að heyrast!!

Sorglegt að sjá hvernig ákveðnir aðilar geta skemmt fyrir sínum eigin flokki - og verður til þess að maður þarf að endurskoða hvort flokkurinn (eða Addi sjálfur) fái atkvæði mitt aftur

 Kveðjur úr Borgarfirðinum

Anna M. Magnúsdóttir