Menntun = skólaganga?

Ósköp hlýtur því að líða illa þessu fólki sem haldið er þeim illvíga sjúkdómi "menntasnobbinu".   Allt í einu dugar ekki að gera kröfur um prófskírteini.  Að menn skuli leyfa sér að efast um að menntunartitill fullnægi kröfum um hæfi!

Þessi umræða um kröfur til seðlabankastjóra er góð lexía fyrir Alþing.

Menntun er ekki samasem skólaganga, prófskírteini eða titill.

Menntun getur verið vitneskja, þekking, kunnátta og hæfni. Hún getur verið eitt af þessu, tvennt, þrennt eða allt.

Seta á skólabekk segir ekkert til um menntun.  Skírteini og menntunartitill á að vera vottorð um menntun.  Hvað sú menntun inniheldur inniheldur getur verið eintóm "vitneskja" eða minnisatriði.  Hún þarf ekki endilega að innihalda raunhæfa kunnáttu eða þekkingu og í flestum tilfellum segja skírteini eða menntunartitlar ekkert til um hæfni.

Besta menntunin sem sumir menn menn afla sér fer fram í skóla lífsins.  Menntun sú kallast reynsla.  Á bak við skírteini og menntunartitla úr íslenska skólakerfinu er í mörgum tilfellum lítil eða engin reynsla af viðkomandi fagi.

Lokamarkmiðið er alltaf að verða hæfur hvernig sem þeirri hæfni er náð.

Hafi próf í hagfræði eða tengdum greinum

Athugasemdir

[Ingólfur Þór Guðmundsson, 20.2.2009 kl. 12:55]

Það hefur sýnt sig að oft á tíðum eru það þeir sem minnsta hafa menntunina, sem haldnir eru mesta menntasnobbinu.

Hvað er Jóhanna Sigurðardóttir að vilja uppá dekk með menntahroka, hún er flugfreyja !

Ef hún telur að menntun sé allt, þá ætti hún að segja af sér, og væntanlega finna "mann með RÉTTA menntun".

Svona fyrir utan það, að ef vinstri-græn og samfylkingin eru svona uppfull af því hvaða menntun menn hafa, og hvort þeir séu hæfir eða ekki. Þá væri þeim hollt að skoða menntun þeirra sem þeir hafa skipað í ráðherrastóla.

[Kolbeinn Már Guðjónsson, 20.2.2009 kl. 18:51]

Menntun er lítið án reynslu, en reynsla er heilmikið án menntunar. En þetta á ekki við Dýralækninn sem stýrði fjármálum ríkissjóðs.. :-)