Erum við að ganga í Evrópusambandið?

". . . . Það erum við sem erum að ganga í Evrópusambandið, ekki Evrópusambandið í okkur.“ Þetta er einhver misskilningur hjá Merði, við erum ekki að ganga í Evrópusambandið og höfum ekki sótt um aðild. En kannski er þetta einhver misskilningur hjá mér, -ég hélt bara að það ætti að spyrja þjóðina fyrst.

ESB ekki að sækja um á Íslandi

Sumar reglur sveitarfélaga eru án lagastoðar.

Hér kemur fram að lögreglan þurfi lagastoð til að framkvæma verkin sín. Mér skilst að Umboðsmaður Alþingis geti að eigin frumkvæði tekið upp mál og krafist úrbóta. Hann ætti að skoða allar reglurnar hjá sveitarfélögunum sem eiga sér enga lagastoð. Sum sveitarfélög halda að þau hafi löggjafarvald. Það ætti t.d. að vera öllu heilbrigðu fólki ljóst að sveitarfélög geta ekki sett reglur um að mismuna fólki á af þeirri ástæðu að það sé rauðhært, nema að hafa til þess stoð í lögum. Sama gildir um allar aðrar ákvarðanir og reglur sveitarfélaga sem mismuna fólki, -þær þurfa að hafa stoð í lögum. Leyfi mér til dæmis, að benda á að sveitarfélögin nota skatttekjur til að mismuna börnum í tónlistarnámi.

Fíkniefnaleit í skóla án lagastoðar

Verðtryggingin er geggjun

Hverslags þjóðfélag er það sem reiknar 200 þús. króna verðhækkun á 10 millj. kr. höfuðstól íbúðalána á sama tíma og kaupmáttur ráðstöfunartekna minnkar um 0,2%? Þau stjórnvöld sem við höfum kosið yfir okkur hafa algjörlega brugðist. Við þurfum ekki svona fólk á Alþingi og viljum ekki hafa það. Þeim er hér með sagt upp störfum og geta nú undirbúið það að taka pokann sinn eftir næstu kosningar. Þau hafa sjálf komið því svo fyrir að það er ekki víst að þau fái nokkra vinnu að uppsagnartímanum loknum, en skal bent á að það er víst hægt að fá vinnu í Noregi um þessar mundir.

Íbúðalán hækka um 3-4 milljarða

Getuleysi sjórnvalda er svæsnasti óvinur launafólks.

Íslenska krónan er sjálf ekki óvinur launafólks, heldur getuleysi stjórnvalda til að stýra efnahagmálum þjóðarinnar. Af hverju er fólk að flytja til útlanda? Jú, það er vegna þess að það nær ekki endum saman. Stærsti þátturinn í útgjöldum launafólks eru afborganir húsnæðislána. Bankarnir, lífeyrissjóðirnir og Íbúðalánasjóður sem lána til húsnæðiskaupa fara nú ránshendi um húseignir fólks. Aðferðin er í því fólgin að hækka verðmæti höfuðstóls húsnæðislána eftir einhverri formúlu sem þeir og stjórnvöld virðast hafa komið sér saman um, til að sanka að sér fé. Verðmæti húsnæðisláns sem tekið var fyrir 5 árum hefur hækkað samkvæmt þessari formúlu um 60%, á sama tíma og launakjör hafa hækkað um 30%. Reglulegar afborganir hafa hækkað að sama skapi. Þessar hækkanir ásamt hækkun á almennu vöruverði knýja fólk til að flýja land.

Krónan óvinur launafólks

Kínverjinn lærir leikreglurnar

Nú er kínverjinn í læri hjá Katrínu Júlíusdóttur að þekkja leikreglurnar við landakaup. Eftir það getur hann keypt nokkur fjöll á norð-austurlandi. T.d. gæti hann hafið sandmokstur í poka til að selja til útlanda, eins og þeir gera bændurnir sem eiga Ingólfsfjall í Árnessýslu. Öllum ómerkilegum fjöllum má moka í burtu, því það eru nefnilega engar reglur til. Núbó kínverji lærir nefnilega líka um það, að við höfum engar reglur um slíka hluti og að flest allt sem viðkemur íslensku samfélagi byggist á geðþóttaákvörðunum og því eru óbeinar mútur og froðusnakk besta leiðin til að koma áformum sínum í framkvæmd.

Umhverfið hér ófyrirsjáanlegt

Fjármálafyrirtæki endurreikni íbúðalán.

Það væri einnig vel við hæfi að fjármálafyrirtæki sem hafa lánað til íbúðarhúsnæðis færu að endurreikna lánin með tilliti til forsenda í greiðslumati hvers láns. Ef þau ætla ekki að gera það, hafa þau verið að blekkja alla þá, sem tekið hafa íbúðalán undanfarna áratugi. Það er ólöglegt að blekkja, -á því er enginn vafi, en því miður þá virðist hluti þjóðarinnar halda annað.

Eiga að virða niðurstöður dómstóla

Nú vitum við hvað má og hvað ekki má.

Nú vitum við hvað má og hvað ekki má. Var þetta ekki einmitt svona í Sovét. Ég hélt að þetta félag, Reykjavíkurborg væri bara rekstaraðili grunnskólanna og hefði ekki löggjafarvald. Geta borgarfulltrúar og embættismenn borgarinnar ákveðið hvaða helgileiki börnin megi flytja á jólunum? Og nú geta börnin bara ákveðið að taka ekki þátt í hinu og þessu, hvar sem þau eru á vegum grunnskólanna, - a.m.k. þegar farið er í kirkjuheimsókn. Ætli þessar kirkjuheimsóknarreglur flokkist ekki undir mannréttindalög. En agavandamálin í grunnskólunum, ætli þau fari batnandi eftir því sem slíkum reglum fjölgar? Eitt er víst; allur þessi málatilbúnaður mannréttinaráðs, menntaráðs og borgarráðs var óþarfur. Það voru engin vandamál og samkipti grunnskóla og þjóðkirkju hefði frekar átt að auka og styrkja. Ekki veitir af að kenna þessari þjóð góða siði.

Með sama sniði og fyrr

Ríkisútvarpið - heil 5 atkvæði.

Skammstafanir eru eins og orðið ber með sér, til að stafa og stytta texta. Ríkisútvarpið er heil 5 atkvæði. Mörður Árnason er líka 5 atkvæði. Spurning hvort hægt væri að skammstafa Mörð. Ef við ætlum að leggja það í vana okkar að skammstafa nöfn á fyrirtækjum sem bera 5 atkvæði eða meira og nota skammstafanirnar í talmálinu, þá fer að vera vandlifað.

Ríkisútvarpið heitir Ríkisútvarpið

Vonarglæta.

Ég skynja smá vonarglætu í viðbrögðum Jóhönnu Sigurðardóttur við nýjasta kvótafrumvarpinu. Ef marka má yfirlýsta stefnu þessarar ríkisstjórnar þá var ekki markmiðið að festa réttindi útvegsfyrirtækja á fiskveiðiheimildunum í sessi heldur að losa um þau, til að skapa mætti nýtt umhverfi í sjávaútveginum þar sem framboð og eftirspurn réðu ríkjum, -janfnt við sjósókn sem vinnslu og sjávarbyggðirnar fengju aftur að hluta þau sérréttindi að mega sækja á nálæg fiskimið.

Hefnd og pólitísk gíslataka

Er Sigmundur Ernir hættur að styðja ríkisstjórnina?

Er Sigmundur Ernir hættur að styðja ríkisstjórnina? Nei, hann er ekki hættur því. Hann er bara í fýlu og vill fá nammi í staðinn fyrir að hætta í fýlunni.

Óviss um stuðninginn