Hverjir eru þessir óreiðumenn?

Davíð Oddson segir í sjónvarpsvitali; "við ætlum ekki að borga erlendar skuldir óreiðumanna"!  Hverjir eru þessir óreiðumenn?  Er hann að tala um starfsmenn Landsbankans sem hafa fjárfest í hlutabréfum bankans á löngum tíma eða fá þeir kannski hlutabréfin sín bætt?   Er það geðþóttaákvörðun hans hverjir teljast óreiðumenn?  Verður henni framfylgt eða verður farið að almennum lögum?

Ríkið borgi ekki skuldir óreiðumanna

Athugasemdir

[M.G. (IP-tala skráð) 7.10.2008 kl. 22:03]

Mér finnst mjög augljóst hverjir óreiðumennirnir eru. Það kom skýrt fram í viðtalinu að Davíð átti við þá sem ekki geta borgað þær skuldir sem þeir hafa stofnað til. Eru það "starfsmenn Landsbankans sem hafa fjárfest í hlutabréfum bankans á löngum tíma" að þínu mati? Nei, það eru gráðugu "útrásarmennirnir" sem hafa grætt verulega og eru nú stungir af og skilja okkur hin eftir í skítnum. Þeir starfsmenn bankans sem hafa fjárfest í honum tóku áhættu eins og allir aðrir hlutabréfabraskarar og þótt ég finni til með þessu fólki þá má fólk eiga von á því að tapa hlutabréfunum sínum eins og hendi sé veifað.