Loksins náði lögreglan númerinu á bílnum

Mikið var nú gott að lögreglan náði loks númerinu á þessum bíl.  Það er náttúrlega nauðsynlegt að ná númerinu svo hægt sé að rukka svona þrjóta. Lögreglan ætlar ekki að taka þessa menn í sálfræðimeðferð, - það var ekki meiningin.  Hvort einhver er slasaður eftir eltingarleiki er náttúrlega algjört aukaatriði.

Flúði lögreglu og lenti í árekstri

Athugasemdir

[Birgir Guðjónsson (IP-tala skráð) 25.5.2014 kl. 22:13]

Kannski var þetta stolin bifreið...

[jón (IP-tala skráð) 25.5.2014 kl. 22:20]

Það er ekki furða að þið spyrjið spurninga, enda er þessi frétt svo illa unnin að það er ekki hægt að átta sig á hvað var í gangi.

skiljið þið t.d. eftirfarandi klausu:

"Þrír menn flúðu úr bif­reiðinni sem lög­regl­an veitti eft­ir­för eft­ir árekst­ur­inn (veitti hún bifreiðinni eftirför eftir áreksturinn? aha)

og hlupu í átt að Há­túni. Lög­regl­an hafði hend­ur í hári eins þeirra en sá fjórði virt­ist vera slasaður í bif­reiðinni. Einn lög­reglumaður veitti hinum eft­ir­för á fæti."

Hvaða hinum? Þessum þremur? Hljóp ein lögga á eftir þremur bófum? Eða tveimur eftir að lögregla hafði haft "hendur í hári eins þeirra"?

[Jón (IP-tala skráð) 25.5.2014 kl. 22:24]

Það má endurskrifa þessa frétt:

Fjórir menn á bíl voru eltir af lögreglu á lögreglubíl, síðar á fæti, eftir að bíllinn lenti í árekstri við tvo aðra bíla sem ekki voru eltir, en í voru nokkrir farþegar og bílstjórar, þar af nokkrir sem slösuðust, og virtist einn í bílnum sem veitt var eftirför hafa slasast, en hinir hlupu í átt að Hátúni og lögregla á fæti á eftir, eftir áreksturinn. Málið er í rannsókn. Götunni var lokað.

[Jón (IP-tala skráð) 25.5.2014 kl. 22:34]

Þetta er ennþá betra:

Lögregla á lögreglubíl veitti fjórum bófum á bófabíl eftirför eftir að bófarnir sinntu ekki stöðvunarmerkjum lögreglunnar á bílnum sínum. Þeir hlupu í Hátún eftir að hafa lent í árekstri, eftir eftirför lögreglunnar á fyrrnefndum bíl. Eftirförin var veitt eftir að lögreglan gerði eitthvað sem bófarnir veittu eftirtekt en veittu ekki samþykki sitt fyrir. Málið er í rannsókn.