Lögreglan á villigötum - lífið er ekki tölvuleikur

Er ekki kominn tími til að lögreglan hætti þessum eltingaleik við uppdópaða ökumenn og taki upp nýrri og betri starfsaðferðir? Lífið er ekki hasarmynd eða tölvuleikur sem hægt er að rístarta þegar í óefni er komið.

Stefndi lífi fólks í hættu

Útreikningur bankans er glæpur.

Útreikningur Arionbanka á íbúðaláni Elsu Láru, þingmanns Framsóknarflokksins er að mínu mati ekkert annað en glæpur. Við búum í réttarríki og það þarf að draga bankastjórana og eigendur bankans fyrir dóm og láta þá gjalda fyrir. Þeir plötuðu fólk til að taka lán á öðrum forsendum en notaðar eru við að uppreikna höfuðstól lánanna. Best væri að Alþingi setti neyðarlög og yfirtæki allar lánastofnanirnar og endurreiknaði öll íbúðalán á forsendum þróunar dagvinnukauptaxta. Það væri sanngjarnt og heiðarlegt.

Þingmaður þarf að borga 5,8 milljónir

Ofreiknaður höfuðstóll er ranglega reiknaður höfuðstóll

Það ætti ekki að vera áhyggjuefni þó svo áhugamannasamtök út í bæ, eins og Samtök atvinnulífsins skilji ekki grundvallaratriði heilbrigðs efnahagslífs og skorti almenna réttlætiskennd. Öllu verra er að geta ekki treyst á að starfsfólk Seðlabanka Íslands geti sett sig í spor almennings og hafi skilning á markmiðum ríkisstjórnarinnar um leiðréttingu ofreiknaðs höfuðstóls íbúðlána. Ofreiknaður höfuðstóll er ranglega reiknaður höfuðstóll sem markmiðið er að leiðrétta.

Það er einnig umhugsunarvert að starfsfólk Seðlabankans skuli beita sér sérstaklega gegn heimilum sem eiga í greiðslu- og skuldavanda.  Það er eins og Seðlabankinn hafi engan skilning á marmiðum ríkisstjórnarinnar um að leiðrétta ranglega reiknaðan höfuðstól svo engir fleiri lendi í greiðslu- og skuldavanda. Svo kann þetta fólk ekki að fara rétt með hugtök. Seðlabankafólk talar um niðurfærslu lána á sama tíma og ríkisstjórnin ætlar að leiðrétta. Niðurfærsla og leiðrétting er tvö gjörólík hugtök.

Niðurfærsla lána óskilvirk og dýr

Hættulegur maður.

Það eru einmitt svona menn, eins og Franek Rozwadowski sem eru hættulegir íslenskum almenningi.  Þeir virðast sakleysislegir og halda eflaust sjálfir að þeir séu prýðis menn, en þeirra skilningur á óheiðarlegri framkomu íslenskra lánastofnana gagnvart íbúðalántakendum viðheldur ranglætinu og ógæfu heimilanna í landinu.  Maðurinn hefur ekki betri skilning á verkefninu en svo, að á meðan ríkisstjórnin ætlar að leiðrétta íbúðalánin, þá talar þessi maður um lækkun lána sem er bara allt annar hlutur.

Lítið pláss fyrir lækkanir íbúðalána

Stjórn Strætó á villigötum.

Þessi samþykkt Strætó er eins og aftan úr fornöld. Maður sér fyrir sé einhverja kommisera í gamla Sovét sem fótum troða hagsmuni almennings. Ef hér væri samkeppni í almenningssamgöngum þá færi svona fyrirtæki beint á hausinn eftir slíkar samþykktir.

Fyrirtæki sem höndlar breytileika í samskiptum við þegnana á þennan hátt, á varla rétt á því að falla í flokk almenningsþjónustu.

Heimilt að vísa fólki frá

Er Sigmundur Davíð að gleyma einhverju?

Er það ekki rétt munað að Sigmundur Davíð sagðist ætla að leiðrétta íbúðalánin? Það heitir ekki að leiðrétta lánin þó fólk hafi vinnu og góðar tekjur.   Ef hann ætlar að svíkja kosningaloforðin spái ég því að hann verði ekki lengi í embætti, því kjósendur Framsóknarflokksins munu ekki taka svikum þegjandi.

Ánægja með áherslu á velferð

Færa jólin?

Þarf ekki að spyrja "fólkið" um þetta - og þá meina ég í kosningum að vel athuguðu máli. Vantrúar og Siðmenntarliðinu er alveg sama, en kannski er kirkjan ekki á sama máli og kannski eru stéttarfélögin á móti þessu - og hvað þá?

Stjórnendur fyrirtækja og stofnana tala um slök afköst og litla framleiðni hjá íslensku launafólki.  Eru stjórnendurnir sjálfir ekki bara lélegir stjórnendur? Örfáir frídagar gera ekki gæfumuninn. 

Opnir fyrir tilfærslu frídaga

Sjálfstæðisflokkurinn verður ekki stærri

Dagar Sjálfstæðisflokksins sem leiðandi stjórnmálaafls eru sennilega taldir.  Sigur flokksins nú er varnarsigur.  Gamlir félagar hafa yfirgefið flokkinn og þrátt fyrir mikla óánægju með ríkisstjórnarflokkana fær hann lítið óánægjufylgi. Upplýsingatæknin mun varna því að gömlu flokkarnir leiki sér óábyrgt með kosningaloforðin. Það sýndi sig í þessum kosningum að almenningur mun refsa flokkunum fyrir svikin kosningaloforð og óhæfa gjörninga. Það stendur upp á Framsóknarflokkinn að efna sín kosningaloforð. Geri hann það ekki verður honum illilega refsað eftir 4.

Geta myndað stjórn með 51% fylgi

Fjórflokkurinn fái frí.

Alþingiskosningar eru ekki knattspyrnukeppni.  Þetta snýst ekki um að halda með sínu gamla liði í rauðu peysunum eða þeim bláu.  Fjórflokkurinn hefur svikið flest allt sem hann sagðist standa fyrir. Sjálfstæðisflokkurinn vildi berjast fyrir frelsi einstaklingsins, en hefur eignað frelsið útvöldum einstaklingum og fyrirtækjum, Framsóknarflokkurinn var flokkur samvinnuhugsjönarinn, en endaði sem hækja Sjálfstæðisflokksins og er samsekur um efnahagvanda þjóðarinnar, Samfylkingin hefur svikið stefnu sína í jafnréttismálum og sveik öll helstu kosningaloforð síðustu kosninga, Vinstri grænir sviku alþýðuna og hafa reynt að trufla og eyðileggja flest sem hefur horft til bóta í samgöngum og atvinnuuppbyggingu.  Gefum þessu fólki og flokkum frí, - við fáum ekki neitt verra í staðinn.

Leikrit Sjálfstæðisflokksins heldur áfram.

Þá er fyrsta kafla í leikriti Sjálfstæðisflokksins lokið.  Leikritið heitir: Svona tökum við sviðið. Markmiðið er að stela athygli fjölmiðla og allri umræðunni í samfélaginu fram að kosningum með öllum þeim meðölum sem tiltæk eru. Spennandi að vita hvað næsti kafli heitir.

Óvissa um framtíð Bjarna